皇室纖形

皇室纖形 | 6 October, 2011 | 一般 | (10 Reads)

見到個個都話皇室纖形唔太得，本來都對間野都印象麻麻，但試過後又覺得唔算太差！其實，本來諗住就算自己身材走樣成點，都唔會幫襯乜
嘢纖體公司，點知個陣同個fd出黎飲野，佢又帶左個fd出黎，佢個fd 就係皇室纖形入面做，見到我個肚腩仔，講左幾句，又比佢講中左，跟住
佢問我想唔想減下肥，叫我上去佢公司，做d療程整整佢，個fd又推波助瀾咁，搞到我唔好意思推，就同左佢講搵日上去睇睇。

嗰日上到去，d服務員唔見得有乜嘢特別，我講明來意，佢地叫左我個fd個fd出黎，帶左我入去見一見乜乜顧問醫生之類，同我傾左一輪，幫我
揀左個plan，主力係收肚腩，搞左一輪，又有個人出黎叫我點點點，注意飲食，少食零食甜品個d咁話。

上左去6, 7次之後，我個肚腩真係實左，磅數方面都輕左，同埋嗰排我公司又無咁忙，唔係好駛OT，多左時間跟佢個plan食野，又早左少少訓
，總之個排心情好愉快啦~

其實間野無d人講到咁差！不過之後公司又忙返，我都無咩點跟個餐單同上去，又開始放肆過，肥番晒，唉！